DEVELOPING COUNTRY AH SIPAI TEN SORKAR AN HNEHCHHUH  (Coup) DUH

Buramaram thlir let na leh hriat zauna, Pu Remrema Tlawmte ziah, Ram thang mek kan tih mai ( Devoloping country) ah hian an ram sipai te hian sorkar dinglai paih thlakna ( coup) hi a thleng duh chawk thin. A bikin ram rethei ho ramah hian a thleng duh leh zual a ni.

A chhan chu an ram economics dinnhmun a chhiat avangin an sipai te chu dinhmun pawimawh takah an awm a tul lo thei lo a ni. An ram tualchhung buaina a awma ram chhungah remna leh muanna a awm theih loh chuan sipai ten sorkar an hneh chhuh ta thin a ni. Retheih vang leh ram chhung muanna duh vangin army in sorkarna an la thin a, Army in sorkarna an chelh rei lutuk erawh chuan ram retheih leh zualna a thlen duh go bawk a ni.

Kan ram thenawm Thailand hi han thlir i la, Thai Army ten sorkar vawi 21 ngawt an paihthla tawh zu nia, vawi hnih chauh sipaiin sorkarna a lak (coup in1962,1988) tawhna Myanmar ram aiin Thailand chu an va changkangin kan va tluk lo si ve? Enge a chhan ni ta? A chhan chu! Sipaiin hun rei tak chhung sorkarna a chelh loh vang a ni thei ang.Kum hnih khat hnuah inthlanna a buatsaih a, chuta tling a piang hnenah sorkarna a hlan leh mai! Indonesia ram pawh hi Myanmar ram ang deuh khan Army te telna parliament an nei reng thin a, zawi zawia in hnukdawkin tunah chuan Indonesia ram parliament ah full uniform kawr hringha an awm ve tawh lo. Keini Mysnmares ho hi kan hman hmawh lutukin pathian bik kan nei thin hi sim a hun tawh lo maw.

Khawvelah hian Africa khawmual leh south America khawmual ramte hi sipai chakna hmanga sorkar paih thlak hluarna ram an ni. Khawvel ram hrang hranga sipaiin sorkar an paihthlak tawh dan han en zuai i la, Thailand 21,Afghanistan 8, Algeria 3, Argentina 8, Bangladesh 6, Pakistan 6,Phillipine 4, Vietnam 6,Indonesia 2, Boliva 16,Brazil 4, Brundi 6, Equador 5, Elsavado 5, Ethiopia 5, Fiji 4, Greace 22 ( 1821-1975), Haiti 26, Panama 5,Iran 11,Irag 6, Peru 7, Sudan 6, Lao 9,etc,, te an ni a, sawi vek lo mai ang.

Myanmar ram chu 1962 atanga 2010 thleng kha sipai sorkarna ah kan awm angin chhut ta ila, kum 48 chhung teh mein sipai thuhnuaiah kan awm tawh a, Ka lo hmuh ve dan leh thlir ve dan chuan tuna, Gen. Minn Aung Hlain-a State Admi istrative Council sorkar hian kum hnih khat lekah inthlanna a buatsai thuai/ ngei ka ring a. Mahse, mipui lam hian kan nawr dan a dik loh erawh chuan hun a duh rei deuh thei bawk a ni, Rinthu theuh theuhvah Jakopi, Date 14th May 6:00 PM.. Rema Rema Tlawmte

 

Author: admin

Leave a Reply

Your email address will not be published. Required fields are marked *