MYANMAR RALKAP PAWLIN BOMB TIPUAKTU IH PUH MI 39 AN Kai

Uico Min Aung Hliang ih ralkap pawl in bomb tipuaktu lrh Cozak in building an ur mi mawhphurtu ih an puh mi 39 an kai tih ralkap cozah hnuaiin media agency cun a tarlang.

February 1 ni ih ralkap pawlin mipi thuneihnak civil cozah ana an ting hnuah kawlram khawpi hrekkhatah bomb a puak ih, cozah zung leh ralkap umnak hmun pawl baih a si ih, zo pawlkawm khalih kan ti mi a si an ti duh chuan lo, a Sinan uico ralkap pawl cun ralkap dodaltu pawlin ram tih siat tum ah an puh a si.

Global New Light of Myanmar thuthat laknak cun security force pawlin hmun tinkim ih an dapnakah handmade mine, TNT, stick 20, detonator, fuse, gun powder leh hriamnam dan pawl khal an kai zo tiin a tarlang a si, hi mi bakah hin kawlram saklam Kaya State ah tapung pawl hnenih training tum ih an ringhlel mi mi ziang maw zet an kai a si.

Ralkap uk duhlonakih lamzawh duhphawrhnak neitu mipum tampi an kai zo hnu ah mino ziang maw zet cu Democracy duhtu pawl lak ih sin tapung pawl hnenah military training nei a si tiin an sim cih.

Tlawngkai ni 2 ni kha ralkap pawlin mipi cozah thuneihnak an lak ni 100 kim nak a si ih, ram khawpi hmun dang dangah ralkap uknak duh loin duhphawrhnak peh zawm vivo a si.

UN human right office (OHCHR) cun ram dang dang pawlin duhphawrhnak neitu pawl lakih tharum an hmang theu mi cu titawp dingin Myanmar ralkap cu an ngen ring ring , a Sinan Uico ralkap pawl cun mipi pawl par ah nunrawng zetin an cangvai tho tho a si, (OHCHR) thupuangtu Ruper Colville cun ralkap pawl in  thuneihnak an an pehzawm theinak dingin mipi parih nunrawng takin an cangvaih dan cu tawp san mai an tum lo tiin a sim,

Tlawngkai ni 2 ni tiang ah ralkap uknak duh lo ih duhphawrhnak nei tu pawl lakih sin Uico ralkap kut tuarih thi mi zat cu mipum 882 an kim a si.

Author: admin

Leave a Reply

Your email address will not be published. Required fields are marked *