ISREAL PRIME MINISTER BENJAMIN NETANYAHU IN LOD AH STATE OF INMERGENCY A PUANG

Israel prime minister Benjamin Netanyahu cun buainak nasa zet a suak ruangah Lod khuaah State of Emergency a puang

Isarael police pawl cun buainak hi Lod khua um Arab mipawl ih tawthawh a si tiin a puh, hi mi lai ah hin hmun dangah Israel leh Paletinian te karlakah buainak a suak vivo a si.

Lod hi Tel Aviv khaw sirte ih Ben Gurian airport kiangih um a si, himi khua ah hin minung 77,000 hrawng um ih cumi lak ah Jewish Israel 47,000 leh Arab Israel 23,000 hrawng an um a si, buainak a suah hnuah MP Netanyahu cu thil um dan zingzawi dingin hi khua ah a feh a si.

Police pawl cun Lod khua ih Arab Israel hrekkhat cun buainak hi an tuah ih, motor pawl an ur bakah in leh lo pawl khal an siatter tiin an sim, Synagogue pathum leh sumdawnnak hmun an ur hnuah Israel cun boder police platoon 16 an fial lut a si, Lod bakah Israel Arab umnak hmun dang Acre,Wadi Are leh Jisr A Zarqa ah buainak hi a suak sal a si.

Kan dung zarh tlawngkai 5 ni ih East Jerusalem ih al Aqsqmosque ih Palestinian suakkhawm pawl leh Israel riot police pawl karlak ih buainak a suah ruangah hmun dang dangah buainak hi a suak vivo a si, Muslim leh Juda te pawl ih hmun thianghlim a lAqsa kulh sung leh khawpi sung hmun dang ih buainak suak ah Palestinian pawl mi 700 hrawng hriamhma an tuar a si tiin an sim cih.

 

Author: admin

Leave a Reply

Your email address will not be published. Required fields are marked *